Deba Garaia betidanik izan da bailara sentikor eta laguntzailea giza sufrimenduaren aurrean, eta sentimendu nabarmena da, elkarte ezberdinek eta pertsonek hartu dituzten konpromezu eta ardurak kontutan izanez gero.
Hamalau urte pasatu dira , Bailarako elkarteek sortu zirenetik. Baina, zein asmorekin?
Egoera larrian dauden beste herrialde batzuetako jendeari laguntzeko dugun borondatea modu egokian bideratzeko, hain zuzen ere. Zorretan eta erantzule ikusten baitugu geure burua herrialde askoren egoeraren aurrean.
Udalek, elkarte ezberdinek eta herritarrok batera egin dugu lan, ahalmenak eta bitartekoak proiektu beretan jarriaz. Indarrak sakabanatu gabe.
Lan egiteko sistema honekin, ondorio politak izan dituzten proiektu garrantzitsuak gauzatu ahal izan dira Indian, Afrikan eta Latinoamerikan.
Kooperazioan aritzeko estilo honi esker, jarraipen zuzena egin zaio proiektu bakoitzari eta kolaboratzaile guztiak modu egokian informatzeko ahaleginak egin ditugu
1998an kooperazio era berri bat erantsi genion ohizko ekimenari: BIDEZKO MERKATARITZARENA. Gaur ondo garatutako ekimena da. Hurrengo orrialdetan ematen dizuegu beraren berri.
Bailarako gobernuz kanpoko 9 erakundek kudeatzen dugu HARREMAN DENDA:
Helbidea: Harreman Bidezko Merkataritzako Denda .Hiper Eroski .Musakola Auzoa.Arrasate . e-mail: harremandenda@yahoo.es
GKE kolaboratzaileak Deba Goienako GKE eta Talde Sozialen deskribapena
|
